Renato Mekolli, i njohur si masterchef, por që prej disa muajsh ka tashmë edhe restorantin e tij në kryeqytet, ka zbuluar pjatat e preferuara të kryeministrit Edi Rama, kryedemokratit Lulzim Basha dhe ish-kryeministrit Fatos Nano.
I ftuar në emisionin “Mos i fol shoferit” drejtuar nga aktorja Rudina Dembacaj, ai ka folur për pjatat e preferuara të këtyre tre politikanëve.
“Kryeministri Rama ha lehtë, preferon produktet e peshkut dhe është shumë i rafinuar në perzgjedhjen e ushqimit. Ndërsa kryetari i opozitës, Lulzim Basha konsumon cdo ditë “burger”. Edhe nëse s’vjen vetë do t’ia çojmë në zyrë”, është shprehur Mekolli.
Ndërsa ish-kryeministri Fatos Nano, ndryshe nga Rama dhe Basha, duket se ia lë në dorë Renato Mekollit përzgjedhjen e asaj që konsumon, çka e shtyn këtë të fundit ta cilësojë si njeriun më komod që ka njohur ndonjëherë.
“Nano s’e ka problem ma lë mua në dorë, është kaq rehat. Fatos Nano di shumë mirë te degustojë edhe verën”, ka zbuluar masterchef-i.
(XH.A/SHUPLAKA)
