Kryeministri Rama dje në një fjalim jo të zakonshëm para trupit diplomatik të Shqipërisë jashtë vendit s’la gjë pa thënë për punën e tyre.
Me pretekstin e mungesës së investimeve të huaja në Shqipëri kryeministri baltosi jo pak, madje dhe kërcënoi ambasadorët e pranishëm.
Ajo që të bënte përshtypje në qëndrimet e të pranishmëve në sallë është se disa prej tyre hapën fletoret për të mbajtur dhe shënime. T’iu jenë dukur qëndrimet e Ramës interesante?!
Edhe ndoshta pasi kryeministri vendosi objektiva që duhet të arrihen pas një viti. Madje sipas tij kush nuk i plotëson mund edhe të hiqet nga detyra.
Me emra nuk mund t’i themi po fotot mund t’i shihni më poshtë. Institucioni i drejtuar nga lideri politik i vendosur nga Rama, Bushati, duket se nuk ka rregulla strikte sa i përket CV-ve dhe fotove që duhet të publikohen në web-in e Ministrisë, pasi ‘’Shuplaka” e pati të vështirë që t’i identifikonte disa prej ambasadorve.
Në fund fare, pas ‘’dushit të ftohtë” ambasadorët nuk kanë munguar që të gjithë në të njëjtën kohë të përplasin shuplakat. Dikush edhe e përgëzoi në ”Facebook”.
(E.K/SHUPLAKA)
