Deputeti demokrat Oerd Bylykbashi së bashku me ish-ministrin e Drejtësisë Gazmend Bardhi kanë sqaruar para medias problemet me kandidatët e KLGJ-së dhe KLP-së.
Sipas tyre një pjesë e mirë e të përzgjedhurve kanë probleme të rënda ligjore. Problemet janë të ndryshme, nga fshehja e dënimeve te qënia anëtarë i sigurimit të shtetit.
“Sot jemi para jush për të paraqitur qëndrimin e PD-së në rapor me procesin farsë që zhvilloj Kuvendi me krijimin e KLGJ dhe KLP.
Organe kaq të rëndësisnme që ishin pjesa thelbësore e kushtetutës, së korrikut, që çoi në votimin e reformës nuk mund të zgjidheshin në këtë mënyrë. Palët politike të kishin ndikim të barasvlefshëm dhe të baraslarguar.
Procesi që u zhvillua dje tregoi që ky është një process i korruptuar, dhe të përzgjedhurit kanë qenë politikë. Në debatin që kemi zhvilluar në nënkomision, thamë që në proces janë vendosur filtra antikushtetues. Lista ka probleme të rënda kushtetuese dhe ligjore, e për rrjedhojë e papranueshme nga ana e opozitës.
Nuk ka asnjë dyshim që ky short që ka prodhur njerëz me ndikim politik, nuk mund të jetë i besueshëm”, u shpreh Bylykbashi.
Bardhi në sqarimin e tij u ndal dhe te emrat konkretë.
“Kandidati Altin Hazizaj ka deklaruar në formularin që ka dorëzuar në Kuvend se nuk ka qenë i dënuar për kryerjen e ndonjë vepre penale.
Kjo është e rreme për shkak se në bazë të dokumentacioneve ai është i dënuar dy herë në formë të prerë për vepra të ndryshme penale”, u shpreh Bardhi.
“Nga ana tjetër është kandidati Sokol Lamaj, që ka fshehur detyrimet e tij në tatime. Ky është një interpretim i gabuar, pasi ligji thotë që duhet të ketë paguar të gjitha detyrimet tatimore.
Ilir Panda ka qenë i angazhuar politikisht në nivele të larta, ndërsa OMN e ndalon këtë. Kozma Jano ka qenë pjesë e Sigurimit të Shtetit. Po ashtu kandidati tjetër Alfred Balla nga ana e OMN-së është kapur me plagjaturë”, u shpreh më tej Bardhi.
(E.K/FAXWEB)
