Janë bërë publike identitetet e dy shqiptarëve që u arrestuan dy javë më parë pasi u kapën me drogë në Itali.
Sjellim në vëmendje që më 6 dhjetor dy shqiptarët u arrestuan me 42 kilogramë drogë marijuanë por ata ende nuk kanë thënë asnjë fjalë në lidhje me ngjarjen duke ua vështirësuar punën autoriteteve italiane. Para autoriteteve deri më tani ata kanë qëndruar “gojë kyçur”.
Cilët janë shqiptarët e arrestuar?
Arkid Sakiu, 28 vjeç banues në Tagliamento dhe bashkëmoshatari i tij Gramoz Ismailaj, banues në Savona.
Dy të rinjtë janë arrestuar mbrëmjen e datës 6 dhjetor nga karabinierët e Pordenones në parkingun e një qendre tregtare për shkëmbimin e drogës.
Bashkë me ta janë ndaluar edhe tre italianë nga Brindisi, Pietro Buzzerio, 53 vjeç, Francesco Angelini, 39 vjeç e Domenico Spano, 43 vjeç. Dje ata kanë dalë para gjykatës, por asnjëri nuk ka folur në lidhje me sasinë e drogës prej 42 kilogramë. (J.V/Faxweb)
