Çim Peka sfidon Lulzim Bashën: Më thuaj kush e votoi Gramozin, të them kush e regjistroi Jeminin

“Lul, më thuaj kush e votoi Gramozin, të them kush regjistroi Jeminin”, kështu shkuran gazetari Çim Peka.

Pas zgjedhjeve të fundit ku PD-ja njohu një rezultat ndër më të ulëtit në këto vite të tranzicionit Çim Peka i njohur për bindjet e tij të djathta është kthyer në një nga opozitarët më të fortë të Lulzim Bashës.

Ndërkohë që në median që ai drejton dje u publikuan edhe audiot eksluzive nga mbledhja e Kryesisë së PD-së. Shumë e konsiderojnë një skandal faktin që njerëz brenda PD-së të regjistrojnë mbledhjen për ta bërë atë më pas mediatike, ndërsa vetë Peka kërkon të tjerë emra në këmbim: dy deputetët që votuan pro Gramoz Ruçit në krye të Kuvendit.

Kujtojmë se Gramoz Ruçi në zgjedhjen në krye të Kuvendit u votua dhe nga dy demokratë, emrat e të cilëve ende nuk janë bërë të ditur. Edhe pse kjo shkaktoi një përçarje të madhe në qëendimet brenda PD-së.

A do të pranojë Lulzim Basha sfidën, apo ai ende nuk i ka emrat e dy deputetëve që dolën kundër grupit. Peka e sigurt që e di se kush e regjistroi në audio konfliktin mes Jemin Gjanës dhe Valbona Mezinit.

Na mbetet të presim dhe të shohim! (E.K/SHUPLAKA)