Prej zgjedhjeve të Qershorit se analisti dhe gazetari Çim Peka është pozicionuar hapur në kundërshtim të Lulzim Bashës.
Ditën e djeshme në një reagim të shkurtër në rrjetet sociale ai është shprehur se në një kohë që të gjitha mediat flasin për trafikun e drogës nga opozita nuk ka pasur një reagim.
‘’Improvizoi një protestë me bidona para bashkisë, e sot kur të gjitha mediat flasin për “Më të madhin” ne Tirane, qe sipas pergjimeve te sherbimeve partnere është shefi i trafikut të drogës, opozita nuk bën asnjë deklarate per shtyp. Uroj të jem gabim në analizë por ky përfundimisht është i kapur, ose është i vonuar e ne kerkojme shume prej tij’, shkruante dje Çim Peka.
Ndërkohë që debatit i janë bashkuar dhe të tjerë personazhe si analisti Andi Bejtja i cili thoshte sot se Lulzim Basha ngjan si editor i sociales në gazetën ‘’Mapo”.
”Më i madhi” i Tiranës doli disa ditë më parë pas disa përgjimeve po ende nuk dihet saktësisht se kujt i referoheshin trafikantët e drogës. Ish-kreu i PD-se Sali Berisha në një reagim u shpreh se ”më i madhi” nënkuptonte Edi Ramën.
(E.K/SHUPLAKA)
