Anëtari i kryesisë së Partisë Lëvizja Vetëvendosja në Kosovë, Elvis Hoxha, ka ironizuar vizitën e presidentit të Komisionit Evropian, Zhan Klod Junker në Kosovë me qëllim shtysën në procesin e Demarkacionit me Malin e Zi.
Dihet se tashmë mbetet vetëm vota e shumicës së cilësuar në Kuvendin e Kosovës, që projektligji për Demarkacionin të kalojë e të fillojë zbatimin.
Me ironi, Hoxha shkruan në Facebook se sipas Junkerit, po t’i jepen toka Malit të Zi, do të liberalizohen vizat; po t’i jepen toka Serbisë, Kosova do anëtarësohet në BE dhe po t’i jepen pasuri publike mafias perëndimore, Kosova do të anëtarësohet në OKB.
“Ciniku Juncker, ia bën punën BE-së me toka shqiptare,” – shkruan Elvis Hoxha.
Më tej, Hoxha vijon e thotë se Evropës i nevojiten kafshët parapolitike – siç Junckeri mendon se janë shqiptarët, sipas Hoxhës – sepse vetëm kështu Evropa do të mund “të integrojë pa problem në Evropë Beogradin e kafshëve paramilitare me krimin mbi supe.”
“Me kafshë paramilitare dhe kafshë parapolitike, Ballkani është një fushë e bukur loje për cinikun parafilozofik Juncker.” – përfundon Elvis Hoxha reagimin e vet.
(E.L/Faxweb)
Discussion about this post