Ditën e djeshme një grup aktivistësh nga Lëvizja Për Universitetin pretendojnë se janë goditur nga ana e përfaqësuesve të FRESSH, në festën e organizuar për 8 Dhjetorin nga Ministria e Arsimit.
Të rinjtë kishin vendosur që në festë të mos shkonin për të festuar po për të hapur banderolën me shkrimin “Çirk pa bukë” për të demaskuar propagandën e ministrisë që prej vitesh ka vënë përfund ëndrrat e mijëra studentëve për arsim publik çilësor.
REAGIMI I STUDENTËVE DHE AKTIVISTËVE:
Një grup aktivistësh të Lëvizjes Për Universitetin iu përgjigjën sot ftesës së Ministrisë së Arsimit Sportit dhe Rinisë duke hapur një banderolë proteste në ahengun që po organizohej për 8 Dhjetor. Në të shkruhej “Çirk pa bukë” për të demaskuar propagandën e ministrisë që prej vitesh ka vënë përfund ëndrrat e mijëra studentëve për arsim publik çilësor. Në Ditën e Rinisë, rininë, të nëpërkëmbur brenda dhe jashtë universiteteve, orvaten ta gënjejnë edhe më keq se plebenjtë e Romës antike.
Me t’u hapur banderola, mbi aktivistët tanë u lëshua një luzmë fresshistësh që me thonj e me putra tentuan ta grisnin atë. Të prezantuar fillimisht si punonjës të Shërbimit Kombëtar të Rinisë, fill pas ndeshjes së parë, ata thirrën në ndihmë një grup edhe më të madh gangsterësh, të çilët iu lëshuan aktivistëve tanë duke i goditur ku të mundnin. Pas këmbimit të fjalëve me grushte e shkelma, janë lënduar veçanërisht aktivistët Bora Mema, Bislim Lakna dhe Klodi Leka.
Aktivistët e sulmuar kanë kërkuar ndihmën e poliçisë. Këta të fundit, në vend që t’u vinin në ndihmë, i kanë dalë në krah kopesë së fresshistëve dhe gangsterëve duke ofenduar aktivistët tanë dhe tentuar fillimisht t’i ndalonin ata. Aktivistët e lënduar i janë drejtuar komisariatit të poliçisë nr. 1 për të bërë kallëzim penal për ushtruesit e dhunës.
Grushtet dhe shkelmat mbi ne janë hiçmosgjë krahasuar me atë që qeveria po u bën dhjetëra mijëra studentëve të universiteteve publike. Edhe gangsterët me tuta janë lule përpara përbindëshave me kostum si Edi Rama dhe Lindita Nikolla. Pasi ka rritur tarifat, qeveria ka miratuar një ligj arsimi të lartë që do të finançojë diplomoret private me para publike duke i hapur derën shkatërrimit përfundimtar të universitarizmit publik.
Ne nuk tërhiqemi!
(E.K/FAXWEB)
