Dita e sotme ka qenë ndryshe nga të tjerat për mediat në vend, kjo pasi çuditërisht kryetari i bashkisë së kryeqytetit Erion Veliaj, porthuajse nuk ka dalë fare në televizion. Kjo i ka bërë përshtypje gazetarit Agim Xhafka, të cilit si gazetar profesionist që është nuk i shpëtojnë lajmet. Ai është mësuar që për kryebashkiakun e Tiranës, të shohë disa kronika në ditë në televizion, zakonisht të prodhuara nga zyra e PR-it e bashkisë.
“Sot Lali Eri gati nuk doli fare në tv. Se nuk pati aktivitet. Por u kujtua që nga dreka i erdhi në zyrë vjehrri i tij. Çojauni televizioneve dhe vini si tekst kujdesin tim ndaj pensionistëve të Tiranës, porositi ai.”, shkruan Xhafka.
Kujtojmë investigimin e gazetarit Artur Cani për “Shuplaka-n” , e publikuar në janar të këtij viti, se kryebashkiaku kishte qëndruar 9 ditë në muaj në Tiranë dhe 22 ditë majë avionit e jashtë atdheut gjatë tetorit të 2016-ës, pavarësisht se në kronikat televizive figuronte se ishte çdo ditë në krye të detyrës në kryeqytet duke përuruar, vizituar, hapur punime, inspektuar…
Prandaj rasti i sotëm na shtyn të mendojmë se çka ndodhur sot me Veliajn…(D.D/Shuplaka)
Discussion about this post