Ditën e djeshme në një dalje për mediet Drejtori i Policisë së Shtetit Haki Çako njoftoi pezullimin nga puna të disa punonjësve të policisë së Laçit dhe Kurbinit.
Sipas Çakos ata akuzohen për shpërdorim detyre pasi kishin favorizuar kultivimin e lëndëve narkotike dhe parcelave me kanabis.
Lajm ky padyshim i rëndë që bën me faj dhe strukturat e policisë për gjendjen e drogës në vend. Ndërkohë që nëse ka një person që e ka përmendur që herët këtë fakt është ish-ministri i drejtësisë Ylli Manjani.
Në një reagim të djeshëm Manjani thoshte se kjo e drogës është policia që nuk deshëm. Ndërkohë që sot ai vijon me tezën e tij duke thënë se që të ç’kanabizohet Shqipëria duhet pastruar edhe policë në Vlorë, Sarandë, Gjirokastër e Durrës.
‘’Ka ende shumë policë, të policisë që deshën, në Vlorë, Sarandë, Gjirokastër e Durrës! Duhet pastruar Policia që të ç’kanabizohet Shqipëria!’’, shkruan Manjani.
Mesda duket këtë herë do duhet t’i besojmë fjalës së ish-ministrit pasi herët apo vonë dhe deklarimet e tij të mëparshme kanë rezultuar të vërteta. (E.K/SHUPLAKA)
Discussion about this post