Partia Demokratike ka reaguar përmes Sekretarit për Çështjet Ligjore, Çlirim Gjatës i cili në një deklaratë për mediat tha se personat që po hetojnë presidentin janë bashkëpunëtorë të kriminelëve emrat e të cilëve nuk i ka kursyer për t’i përmendur.
“Kush janë personat që do hetojnë presidentin Meta? Ilir Ndraxhi është krahu politik i bandës së Abdulajve, të cilët Abdylajt e kishin vënë në listë. Ky person i vendosur nga kjo bandë do të vendosë për shkarkim të presidentit. Ulsi Manja i dosjes 184 do të hetojë, ku mjafton lidhja e tij me bandat e Dibrës, me shefa komisariatësh e lloj lloj të tillë të organizuar në krim për te vjedhur vota. Ky njeri do të vendosë?
Do të vendosë Jurgis Cyrbja, përfaqësues politik i bandës së Shullazit, Rrahman Rrahja, Luan Harushaj, përfaqësues i bandës së Bajrave apo Damian Gjiknuri që do të pastronte para. Aktorët kryesorë të komisionit janë personazhë të lidhjes apo bashkëpunimit me krimin e organizuar. Ulsi Manja do hetojë presidentin nëse ka shkelur ligjin apo jo, ndërsa Manjën kush e heton? Nuk mund të jetë hetues Manja, ai duhet të ishte në burg”, tha Gjata.
Sa u përket dekreteve të Ilir Metës, njëri që kishte të bënte me çdekretimin e dastës 30 Qershor për anullimin e zgjedhjes dhe ai për datën 13 Tetor të këtij viti për zhvillimin e tyre, janë të ligjshme dhe demokratike.
“Presidenti nuk ka bërë asnjë shkelje. Ai ka vendosur datë demokratike, ka vendosur dekret normal. Kemi Komision Hetimor të ngritur në bashkëpunim me krimin e organizuar që do të hetojë dekretin e presidentit, që është akoma në fuqi. Shkarkimi i Metës është vetëm propagandë. Rama duhet t’i tregojë popullit se aktorët kryesorë të komisionit për shkarkim të presidentit janë të përlyer në krim”, tha zyrtari i PD-së
(F.GJ/FAXWEB.AL)
Discussion about this post