Dita me e nxehtë e verës parashikohet kjo e mërkur, ku sipas meterolgëve temperaturat do të shkojnë mbi39 gradë celsius të matura këto në hije.
Në këtë mënyrë mjekët këshillojnë që të kenë kujdes të të gjithë sidomos fëmijët dhe të moshuarit të cilët. Si fillim duhet të hsmanget dalja në orët e pikut 12.00-16.00 dhe të bëhet kujdes me përdorimin e kondicionerit.
“Këshillohet që kondicioneri të jetë pak më pak se sa jashtë dhe po kështu të kontrollojnë medikamentet”, thotë Dr. Bruna Shiroka, mjeke në qendrën shëndetësore nr. 3
SIpas mjekes duhet të pini sa më shumë ujë dhe lëngje nga fruta të freskëta.
Gjithashtu amvisat duhet të kenë kujdes me ushqimet pasi duhet të konumsohen brenda ditës.
Meteorologët thonë se i nxehti përvëlues të na shoqërojë deri në fundjavë dhe se temperaturat e larta do të regjistrohen edhe në zonat malore, ku në Kukës termometri do të shënojë mbi 36 grade celsius.
“Kulmi i të nxehtit arrin të mërkurën me mbi 39 gradë dhe vazhdon deri të premte”, thotë Tanja Porja.
Të dielën termometri prite të zbresë pak dhe java që vjen pritet pak më e freskët sipas meteorologëve. Në zona të izoluara nuk përjashtohen vranësirat apo reshje të dobëta shiu .Ndërkohë që temperaturat do të ringrihen sërish dhjetë ditëshin e fundit të muajit gusht, ku termometri pritet të shënojë maksimumi 38 gradë celsius.
(E.V/Faxweb,.al)
Discussion about this post