“Çmendet” i riu në Elbasan, godet mjekun në krye të detyrës, ishte i dehur

Një 32-vjeçar është arrestuar nga ana e policisë, pasi në gjendje të dehur ka goditur mjekun për shkak të detyrës.

Njoftimi i policisë: 

Godet mjekun e spitalit në Peqin, vihet nën pranga nga Policia 32-vjeçari.

Specialistët për Hetimin e Krimit në Komisariatin e Policisë Peqin bënë arrestimin në flagrancë të shtetasit A. K., 32 vjeç, banues në Peqin.

Ky shtetas ka shkuar në spitalin e Peqinit dhe nën efektin e alkoolit ka goditur për shkak të detyrës mjekun Y. T.

Pas marrjes së njoftimit, shërbimet e Policisë Peqin kanë shkuar menjëherë në vendngjarje, ku kanë bërë kapjen dhe arrestimin e autorit.

Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.

(E.K/Faxweb.al)