“Qelb erë që nga epoka e Lenka Çukos”, demokrati publikon mesazhet e Drejtorisë Arsimore: Urdhër mësuesve për propagandë

Kreshnik Çolaku, anëtar i kryesisë së Partisë Demokratike, ka reaguar në lidhje me disa mesazhe të publikuara që i përkasin drejtuesit të arsimit duke urdhëruar vartësit për të shpërndarë në rrjetet sociale aktivitetet e kryeministrit Edi Rama.

Me anë të një statusi në facebook, Çollaku shkruan se kjo është një propagandë e neveritshme e cila sipas tij, “qelb erë që nga epoka e Lenka Çukos”, dhe vijon më tej duke thënë se, është provë e degradimit të plotë të sistemit arsimor.

Reagimi i plotë:

Mesuesit urdhërohen të bëjnë propogandë për Kryeministrin…
————-
Sot përmes Drejtorit te ZVAT (zyra vendore arsimore tiranë), janë urdhëruar të gjithë Drejtorët e Shkollave në Tiranë, të detyrojnë të gjithë mësuesit e Tiranës të shpërndajnë në rrjete sociale aktivitetin e ditës së Kryeministrit.

Kjo propogande e neveritshme që qelb erë nga epoka e Lenka Çukos është prove e degradimit të plotë të sistemit arsimor, dhunimi flagrant i shtresës më të vyer të shoqërisë mësusit, është një provë se në Shqipëri është instaluar Rregjimi.
Sjellje të tilla janë të denja vetëm për Kore të Veriut.
#NEVERI 

(F.GJ/FAXWEB.AL)