Antonio Conte është trajner i ri i Inter-it. Klubi zikaltër ka zyrtarizuar gjithçka në orët e para të mëngjesit të së premtes dhe më pas ka zbuluar edhe stafin e ish-trajnerit të Italisë.
Conte ka vendosur të konfirmojë Bonaiuti, ish-portier, përgatitësi i marrë nga Spalletti, i cili ka një marrëdhënie shumë të mirë me Handanovic. Gjithsesi, në stafin e ri mungon emri i një përgatitësi atletik dhe trajneri do Antonio Pintus, i cili punon për Real Madrid.
Conte do të jetë në Madrid për finalen e Champions-it dhe ndoshta do të përfitojë nga ky udhëtim për të biseduar me Pintus, i cili është një nga përgatitësit më të aftë dhe më të vlerësuar të Europës.
Karriera e tij në nivele të larta ka filluar me Juventus-in, ku ka ngjitur pak nga pak shkallët e hierarkisë. Ai ka punuar me bardhezinjtë mes 1991-shit dhe 1998-ës, periudhë gjatë së cilës ka qenë në krah të Lippi-t dhe ka njohur shumë futbollistë që më pas kanë ndërmarrë karrierën e trajnerit. Vialli e ka marrë te Chelsea, ku ka qëndruar për pothuajse dy vite e gjysmë.
Pas disa muajsh të kaluar tek Udinese, ai është transferuar te Monaco e Deschamps, me të cilin ka punuar për katër sezone dhe me të cilin ka vazhduar bashkëpunimin tek Juventus, në sezonin e Serisë B. Pas një viti pushim, ai ka punuar me Zola-n te Ëest Ham, më pas përsëri me Deschamps te Monaco, para se të shkonte te Palermo.
Zidane e ka dashur me vete te Real Madrid, ku është kthyer me kërkesë të lojtarëve pas aventurës së shkurtër të Lopetegui-t.
