Antonio Conte tregon edhe një herë se ka uri… jo vetëm për suksese në fushën e lojës. Trajneri i Chelsea-t ka qenë protagonist i një episodi gazmor në konferencën për media pas ndeshjes së fituar 3-0 ndaj Leicester City ditën e djeshme.
Teksa po i bënte pyetjen e parë, njëri prej gazetarëve kishte përpara një copë tortë. Sapo e pa, Konte nuk i rezistoi tundimit dhe e pyeti gazetarin: “Është e mirë torta? Më bëre xheloz! Nëse më ofron, do kisha dëshirë ta provoja”.
Pasi merr miratimin e gazetarit, ish-trajneri i Juventusit çohet nga tavolina dhe, pasi e provon tortën, thotë: “Është i mirë. Nuk kam ngrënë, jam i uritur”. (A.R/SHUPLAKA)
Discussion about this post