Jeremy Corbyn lideri opozitar në Britani, ka kërkuar me herët dorëheqjen e kryeministres Theresa May, për shkak të reduktimeve në numrin e pjesëtarëve të polcisë, gjatë punës së saj gjashtëvjeçare si sekretare e brendshme.
Sot i pyetur nga televizioni ITV se a i mbështet thirrjet për dorëheqjen e zonjës May, lideri i Partisë Laburiste, Jeremy Corbyn, tha “se do të kërkoja me të vërtetë…ne kurrë nuk është dashur ta shkurtojmë numrin e policëve”.
E pyetur nga gazetarët nëse ka keqardhje për zvogëlimin e numrit të policëve për afro 20 mijë, gjatë kohës sa ishte sekretare e brendshme, në periudhën 2010 – 2016. Kryeministrja May i është përgjigjur duke thënë se forca policore e Londrës është “mirë me burime” dhe ka “kapacitete shumë të fuqishme kundërterroriste”.
Këto zhvillime u bënë ndërsa policia ka vazhduar hetimet lidhur me sulmin terrorist në Londër, para dy ditësh, ku janë vrarë 7 vetë dhe plagosur dhjetëra të tjerë. (S.SH/Shuplaka)
Discussion about this post