Gazeta e njohur italiane “Corriere della Sera” i ka kushtuar dy faqe të saj Planit të Ri Rregullues të Tiranës, i cili kaloi para pak ditësh në Këshill Bashkiak.
Lajmin e jep kryeministri Edi Rama, i cili “ngacmon” edhe kundërshtarët e tij politikë, të cilët sipas tij, “nuk lanë llaf pa thënë”.
“Çudi e madhe! Prapë me Tiranën këta?! Dy faqe në Corriere della Sera, ku flitet për drejtim vizionar e për 16 vjet epokë modernizimi, për një qytet të betonizuar, të pajetueshëm e të njëmijë të zezave?! Po që lëvdojnë edhe këta Planin e Ri Rregullues të Tiranës, për të cilin nuk lanë llaf pa thënë (si ngahera) shqupatarët dhe analistët gjithollogë?!, shkruan në Facebook kreu i qeverisë.
Në Planin e Ri të kryeqytetit, sipas draftit të prezantuar nga Kryebashkiaku Veliaj dhe arkitekti Italian Boeri kryeqyteti mendohet te kete dy unaza të reja vetëm për transportin publik, 7 qëndra, si dhe pyllin metropolitan ku bashkia do te synon te mbjelle 1000 pemë në muaj. Drafti pas konsultimeve publike pritet t’i dorëzohet Këshillit Bashkiak në muajin shtator.
“Revolucioni i Tiranës, luks, shoping e pallate të reja”
Një pjesë nga shkrimi i gazetës së famshme italiane:
Shpesh herë ndodh që qyteti t’u besohet vizionarëve, artistëve dhe të rinjve të cilët kanë udhëtuar dhe i kanë ardhur rreth e rrotull pothuajse gjysmës së botës. Të ardhur nga jashtë me një tjetër frymëzim ata përpiqen t’ i investojnë të gjitha idetë e tyre. Ndonjëherë ndodh që këto ide adoptohen ndërsa në raste të tjera duhet të bëjnë një hap mbrapa.
Pak punë sot, pak punë nesër, sigurisht dhe rezultati është i qartë, metropoli transformohet. Madje nuk njihet. Qyteti arrin të fshehë spekulimet dhe arrogancën e urbanizimit ekstrem.
Tirana sot është rezultat i 17 viteve modernitet. Sigurisht ky është një modernitet “alla albanese” (shqiptarçe) sic do të shpreheshin qytetarët në baret të cilat ndodhen në qendër të sheshit Skëndërbej dhe në hijen e minares së xhamisë së Et’hem Beut, dy vende të cilat një turist nuk mund të largohet pa i vizituar . Ky modernitet është përzierje e dëshirës urgjente për progres e në të njëjtën kohë dëshira për të mbajtur gjallë traditën. E gjithë kjo panoramë është një hap më pranë qyteteve europiane si Parisi, Londra, Berlini apo Milano.
Por në Tiranë, në qendër të saj pranë Muzeut Kombëtar, u godit statuja prej bronzi e diktatorit Enver Hoxha ndërsa më parë në këtë shesh italianët e Musolinit shprehnin ambiciet e tyre. Italianët në atë kohë në 1925 gjurmonin edhe arteriet kryesore të kryeqytetit. Këto arterie në vitet që pasuan u morën në dorë nga një tjetër Italian, arkitekti Stefano Boer i cili kishte për detyrë për ridizinjonte qytetin.
Sigurisht dizenjimi i Tiranës u realizua pa minuar një nga traditat kryesore të kombit, tolerance fetare, respekti reciprok, raporti vëllazëror mes të krishterëve dhe muslimanëve. Një tolerancë e tillë duket mjaft mirë në bashkëjetesën mes kishave dhe xhamive. (A.R/SHUPLAKA)
Shkrimi në gazetën “Corriere della Sera”:
Discussion about this post