COVID-19/ Edhe 10 persona të shëruar, shkon në 99 numri i pacientëve që lanë spitalin

Mbrëmjen e kaluar është njoftuar se janë shëruar plotësisht nga koronavirusi edhe 10 pacientë të tjerë në Shqipëri.

Lajmi është dhënë nga kryeministri Edi Rama, i cili përmes një postimi në Facebook ka njoftuar shërimin e 10 pacientëve në 24 orët e fundit.

Tashmë, numri i personave të shëruar plotësisht nga Covid-19 në vend ka shkuar në 99 ndërsa rastet e konfirmuara janë 24 të deklaruara gjatë përditësimit të djeshëm, duke e çuar totalin në 304.

Gjatë 24 orëve të fundit humbi jetën një pacient 75-vjeçar, duke e çuar numrin total të viktimave nga koronavirusi në vend në 17.