Covid-19 “godet” një fasoneri në Berat, infektohet punonjësja, pozitiv edhe 4 pensionistë

Covid-19 ka prekur një punonjëse fasonerie në qytetin e Beratit. Mësohet se e infektuara është një 45 vjeçare e cila kishte thuajse 5 ditë që kishte shfaqur simptoma të koronavirusit. Pas rezultateve të tamponit, gruaja është vetëkarantinuar menjëherë në banesën e saj.

Ndërkohë pas rastit Drejtoria e Higjenës në Berat ka nisur me dezinfektimin e rapartit si dhe e ka mbyllur përkohësishtë atë. Po ashtu poztiv me virus kanë rezultuar edhe 4 pensioniste, 3 ne Berat dhe 1 ne Kuçove. Nuk dihet nëse këto të prekur janë raste të kontakteve të mëparshme, ndërsa kanë nisur hetimet për burimin e infektimit.