Drejtoresha e Spitalit, “Mbretëresha Geraldine”, Eliona Demaliaj është prononcuar përmes një lidhje me skype për Fax News ku ka folur për gjendjen e grave shtatzëna në maternitetin që drejton por edhe ka dhënë detaje mbi rrezikshmërinë e tyre nga koronavirusi.
Demaliaj tha se situata është normale në këtë spital duke pohuar se ende nuk ka njohur fatmirësisht asnjë rast me kornavirus në radhët e grave shtatzëna.
Mjekja tregoi se më rrezik ndaj grave por edhe fëmijëve që presin të vijnë në jetë është periudha kur sapo janë futur në tremujorin e tretë të shtatzanisë.
“Situata dhe trajtimi vijon si normalisht, deri më tani nuk ka pasur raste të grave shtatzëna në mternitetin tonë të identifikuara si të infektuara me koronavirus. Për fat të mirë nuk janë shumë të rrezikuara për shkak të faktit se shtatzanitë ndodhin në moshë të re. Por nuk ndodh gjithmonë kështu. Distancimi social dhe higjena duhet të jetë absolute prej tyre.
Infektimi dhe rreziku ndaj tij varet shumë nga mosha e shtazanisë, nëse kemi të bëjmë me një grua në tremujorin e tretë, kemi të bëjmë me një rrezik shumë të madh. Vetë rritja e shtatzanisë e bën virusin të transmetueshëm sepse shtohen hormonet. Të gjitha nënat që presin fëmijët e tyre dhe që janë në tremujorin e tretë, duhet të tregohen të kujdesshme. Ka një lajm të mirë, tek të porsalindurit është konstatuar se kanë lindur negative, nuk ka panik, por duhet bërë shumë kujdes.
Për gratë shtatzëna me Covid-19 gjithmonë trajtohen shenjat, nuk ka një ilaç të caktuar. Varet nga shenjat që ka, antibiotikët nuk përdoren në situatë virale. Nëse janë afruar ditës së lindjes mund të ndërhyhet për sjelljen në jetë të fëmijës. E rëndësishme është që gratë shtatzëna të mos kenë panik, ne jemi në krye të detyrës, në maternitetin tonë situata është normale”, tha Demaliaj.
(F.GJ/FAXWEB.AL)
Discussion about this post