Një lajm i trishtë ka pikëlluar sot zemrat e qytetarëve beratas dhe gjithë besimtarëve mysliman, ndarja nga jeta e ish-Myftiut të Beratit, Murat Dura.
Njeriu fisnik e me vlera të rralla,ishte pikërisht ai që në vitin 1990 hapi dyert e Xhamisë së Beratit,pas mbylljes së tyre nga komunizmi.
Murat Dura punoi 27-vite me radhë në Myftininë e Beratit, 14-vite si Imam dhe 13-vite si Myfti dhe gjithmonë ka ngritur zërin për bashkëjetesën fetare dhe paqen mes njerëzve.Dura gëzonte respektin dhe mirënjohjen e të gjithë beratasve pasi ishte jo vetëm një njeri i thjeshtë,me vlera dhe i dashur me të gjithë,por edhe një burrë “babaxhan” që ndihmonte njerëzit në nevojë dhe fëmijët jetim.
79-vjeçari Murat Dura u prek pak kohë më parë nga Covid-19, por edhe pse mori mjekimin e nevojshëm, sëmundja agravoi dhe ai nuk mundi dot ta fitonte betejën me të. Ndarja nga jeta e ish-Myftiut Murat Dura shënoi edhe një “ditë zie” për Myftininë e Beratit që mbylli dyert e saj ditën e sotme,në shenjë respekti e mirënjohje për veprën fisnike të tij.
Discussion about this post