Analisti Dritan Hila duket se bën një paralajmërim të fortë për një ngjarje ndodhur dje. Në njërin prej komisioneve parlamentare mes disa deputetëve të majtë dhe të djathtë ka pasur përplasje.
Edhe pse Hila nuk përmend emra, ai qartazi i referohet konfliktit mes deputetit të ri demokrat Ervin Salianji dhe atyre socialistë Paulin Stërkaj dhe Pjerin Ndreu.
Ai e paralajmëron Salianjin që të ketë kujdes kur zihet me veriorë, se ata nuk të shajnë kollaj nëse nuk e kanë ndarë mendjen për sherr.
REAGIMI I HILËS:
Një keshillë miqësore për çunat e rinj në politikë.
Kujdes kur ziheni. Të jesh i fortë, kërkon diçka më shumë se mandati i deputetit. Ose je ose s’je.
Po zgjodhe të bësh të fortin ki parasysh se sherri vazhdon gjatë edhe jashtë salle madje edhe përtej mandatit.
Kujdes kur ziheni me veriorë sidomos me katolikë (po flas për ta meqënëse jam rritur mes tyre dhe besoj se i njoh). Nuk të shajnë kollaj nese nuk e kane ndare mendjen per sherr pasi e dine qe sherri eshte diçka serioze dhe me kosto; dhe po i shave e konsiderojne deklarate lufte. Nuk eshte nje lufte e shkurter dhe nga ku del pa lagur.
Po i hyre sherrit, beji llogarite mire se nuk ka OSBE qe te shpeton dhe duhet t’ia dalesh vete. Ose ju ndodh si me njerin qe i iku goja per kater vjet dhe nuk i ka ardhur akoma tamam.
(E.K/FAXWEB)
Discussion about this post