Ç’po ndodh me Blushin, përflitet se do të marrë post drejtues në Top Channel?!

Ditën e djeshme Ben Blushi u largua nga politika duke dhënë kështu dorëheqjen nga posti drejtues i partisë “Libra”.

Menjëherë më pas tiranapost.al publikoi lajmin se Blushi do t’ rikthehej gazetarisë, dhe konkretisht në televizionin Top Channel.

“Burime konfidenciale thonë se Blushi është shumë pranë marrjes së detyrës për të drejtuar “Top Channel”,”- shkruan tranapost.al.

Sipas kësaj medieje, Top-i mund të jetë vendi i ri i përshtatëm për t’i bërë opozitë prapë armikut të tij, Edi Ramës.

Por nga ana tjetër disa medie shkruajnë se ish-kryetari i “Libra”, nuk ka asnjë lloj lidhje me drejtuesit e Top Channel, dhe kjo bazuar në faktin se ky i fundit nuk publikoi as lajmin për dorëheqjen e Blushit nga partia.

Vetë Ben Blushi nuk ka dhënë asnjë lloj reagimi apo deklarate.

Kështu që ende nuk mund të konfirmohet lëvizja e rradhës së ish-deputetit.

(F.M/Faxweb)