Lidhja Demokratike e Kosovës dhe Vetëvendosja skanë vendosur të ndëpresin përkohësisht bisedimet pë koalicionin mes tyre, derisa të përfundojë numërimi i të gjitha votave.
Zëdhënësi i LDK-së, Besian Mustafa, pas mbledhjes së kryesisë së LDK-së që zgjati dy orë, ka thënë se kanë diskutuar për koalicionin e mundshëm me VV-në, por për të do të vendoset vetëm pasi të numërohen të gjitha votat.
“Sot në kryesinë e LDK-së diskutuan edhe një herë faktin që kemi një rezultat mjaft të ngushtë me VV-në pra jemi 50:50, atëherë po presim certifikimin e rezultateve finale nga KQZ-ja, duke mos përjashtuar edhe 45 mijë vota nga mërgata me kusht e të personave me aftësi të kufizuara, prandaj negociatat do t’i zhvillojmë në momentin kur do të numërohen votat.
Zhvillimi i negociatave do të bëhet në momentin kur të dalin rezultatet. Rezultatet presim që të certifikohen sa më parë. Në momentin e parë do të kemi takim për koalicion. Do të presim certifikimin e rezultateve në momentin që kemi rezultatin final, pavarësisht se kush del partia e parë ne do ta respektojmë vullnetin. Sot ne kemi diskutuar fakti që kemi një rezultat të ngushtë, nëse përpjesëtohet me dy kemi më pas se 2.500 vota dallim”, ka thënë ai.
Mustafa ja shtuar se takimi i radhës do të jetë vetëm pasi të numërohen të gjitha votat, mes tyre dhe ato të diasporës.
“Takimi i radhës do të jetë vetëm pas certifikimit të rezultateve”, ka thënë ai.
Discussion about this post