Kryeprokurorja Arta Marku ka raportuar sot në Kuvend lidhur me ecurinë e institucioni që ajo drejton, ndërsa mes çështjeve që ajo u ndal ishte padyshim transkiptimi i dosjeve 339 dhe 184.
Marku tha se dy prokurorët që e kanë marrë ccështjen në dorëzim në vitin e kaluar, tashmë janë drejt përfundimit të zbardhjes së shumicës së përgjimeve.
““Dosjet ‘339’ dhe ‘184’ kanë hyrë në historinë ë drejtësisë dhe politikës shqiptare. Janë regjistruar më 2016 të dyja, të vetmet veprime deri në fund të 2018 ishin përgjimet, ka pas vetëm transkripte. Në fund të 2017-së u përcaktuan prokurorë të tjerë, për 339 dhe një oficer i policisë gjyqësore.
Kjo dosje kur u mor nga prokurorët e tjerë u transkriptuan të gjitha CD, janë dërguar për gjykim shumë persona. Këto çështje duhen zgjidhur, ka ardhur momenti.
Prokurorët tani duhet të dalin në konkluzione. Ju kam kërkuar në çdo takim, që t’iu japin zgjidhje këtyre çështjeve. Për nxjerrjen e sekretit po hetohet nga Prokuroria e Krimeve të Rënda.
Nisja e çështjes nuk është bërë pse dolën sekretet, por se nxjerrja e sekretit nga prokurorët përbën vepër penale dhe nuk mund të anashkalohet. Prokurorët duhet të dalin në konkluzione dhe t’i drejtohen gjykatës”, ka thënë Marku.
Discussion about this post