Ç’po ndodh me drejtësinë shqiptare? Nga të gjitha forcat politike në vend çdo ditë po flitet për Veting, Reformë në Drejtësi, për një kryeprokuror të pavaruar, por ku janë?! Vetëm në 6 muajt e fundit janë liruar nga burgu 4 emra shumë të njohur për drejtësinë shqiptare dhe atë europiane.
Të dënuar për vrasje, trafikim droge dhe prostitucion asnjë prej tyre deri më tani nuk e ka kryer të plotë dënimin. Edhe pse kanë qenë të dënuar me shumë vite burg nga drejtësia e vendeve eurpiane ata janë lënë të lirë nga gjykatat shqiptare.
4 lirimet e bujshme të drejtësisë shqiptare:
Durim Keçi
Gjykata e Apelit të Durrësit ka vendosur ta lë të lirë Durim Keçin, edhe pse disa muaj pas arrestimit të tij të bujshëm pritej të ekstradohej drejt Italisë ku është dënuar me 9 vjet e 7 muaj e 22 ditë burg për një sërë krimesh. Ditën e sotme apeli ka vendosur të pranojë kërkesën e avokatit mbrojtës të Durim Keçit, duke e lënë të lirë dy ditë më parë, pavarësisht vendimit të Gjykatës së Shkallës së Parë për ta lënë në burg.
Keçi është dënuar në Itali me 9.7 vite burg për një sërë veprash penale si armëmbajtje pa leje, trafik droge dhe shkatërrim prone. Durim Keçi u ndalua në Durrës më 11 tetor të vitin 2011, ndërsa u bë i njohur edhe në debatet mes politikanëve. Kryeopozitari Basha tregoi fotot të tij me deputetë socialistë, duke akuzuar fort se mazhoranca mbante afër kriminelët, ndërsa kryeministri Rama publikoi foto të Durim Keçit që shfaqej te çadra e protestës së demokratëve.
Genc Tafili
Në nëntor të vitit të kaluar u lirua nga burgu Genc Tafili,e emër i njohur për drejtësinë shqiptare. Genc Tafili kreu 17 vite burg që nga arrestimi i tij në vitin 2000 pasi u akuzua si bashkëpunëtor në vrasjen e kolonel Arben Zylylftarit. Nga gjykata ai është dënuar me 25 vite burg por kreu vetëm 17 të tilla. Theksojmë që ai është është vëllai i Admir Tafilit, edhe ky i dënuar pë vrasje.
Ilir Paja
Po në nëntor të 2017 u lira nga burgu Ilir Paja, i cili njihet nga të gjithë me nofkën “ufo”. Ilir Paja është i njohur për arratisjet spektakolare nga burgjet italiane dhe gjermane. Ai është person në kërkim ndërkombëtar, sepse ndaj tij është dhënë dënimi për një vrasje të kryer në Gjermani.
Paja vuante një dënim në burgun e Krujës dhe nga Gjykata e Krimeve të Rënda u dënua me 6 vjet burg, si fajtor i “plagosjes së rëndë me dashje” të një polici, gjatë operacionit për arrestimin e tij, në mars 2008, në Tiranë. Paja tentoi të vriste efektivin e policisë kriminale, Blendi Haxhimiali në vitin 2008.
Alket Hatija
Në muajin korrik të vitit 2017 Gjykata e Shkallës së Parë në Durrës e cilësoi si të paligjshëm dhe të pambështetur në prova arrestimin e Alket Hatias duke e liruar nga burgu, pasi për veprat që akuzohet në Itali e ka kryer dënimin në Shqipëri.
Alket Hatija u arrestuanë qytetin bregdetar dhe ishte pagëzuar si “Zoti i drogës” nga italianët, që e kanë dënuar me 20 vite burg në 2015. (J.V/Faxweb)
Discussion about this post