Kandidati i radhës që ka marrë konfirmimin për të drejtuar bashkinë ku është zgjedhur pavarësisht se garonte pa kandidat përballë me 30 Qershor është Gjergji Goro.
Goro u rizgjodh për herë të dytë në krye të Bashkisë së Himarës në këto zgjedhje dhe ditën sotme është rikonfirmuar nga Gjykata e Vlorës.
Ishte vetë drejtuesi i kësaj Gjykate, Skënder Haluca ai qe e mori vendimin. Ndërkohë vlen të kujtohet se mbi 11 kryebashkiakë të rinj të zgjedhur nga procesi i 30 Qershorit janë konfirmuar në detyrë nga gjykatat e rretheve por nga ana tjetër, ditën e djeshme u zbardhën 2 vendime të Gjykatës së Durrësit dhe Tiranës për Valbona Sakon dhe Agim Kajmaku në Vorë të cilat ndryshe nga vendimet për kryebashkiakët e tjerë, nuk u pa si i ligjshëm emërimi I tyre.
Në vendimin e saj, gjykata arguementon se Bindja Demokratike është regjistruar në gjykatë më 25 prill, në tejkalim të afatit për regjistrim si subjekt zgjedhor në KQZ. Ndërkohë vendimi për zgjedhjet është dhënë nga Kolegji Zgjedhor si gjykata më e lartë vendimarrëse për procesin zgjedhor.
Pas këtij vendimi, Sako është shprehur se do të apelojë në shkallën e dytë të gjyqësorit (lexo këtu).
Ndërsa për Agim Kajmakun, Gjykata e shkallës së Parë në Tiranë nëpërmjet një dokumenti zyrtar ka konfirmuar se nuk ka kopetencë për të dhënë një vendim lidhur me konfirminim në detyrën e kryebashkiakut.
(F.GJ/FAXWEB.AL)
