Ditën e djeshme ka ndodhur ajo që flitej prej kohësh në qarqet e politikës. Tashmë në Kuvend do të ketë 4 grupe Parlamentare pasi Partia Republikane ka krijuar grupin e saj.
Ashtu siç parashikohet në rregulloren e Parlamentit, grupi parlamentar që të quhet i tillë duhet të ketë të paktën 7 deputetë.
Duke qenë se Mediu nuk kishte si i plotësonte atëherë Basha ‘’i ka falur” 7 deputetë të PD-së, duke marrë parasysh që edhe vetë Mediu u zgjodh deputetë nën siglën e PD-së.
Në përbërja të grupit parlamentar të PR janë Fatmir Mediu, Fatbardha Kadia, Hekuran Hoxhalli, Lindita Metaliaj, Isuf Çelaj, Nadire Meçorapaj dhe Orjola Pampuri.
Kështu Kuvendi do të ketë 4 grupe: PS, PD, LSI dhe PR. Po pyetja që shtrohet natyrshëm në këto momentet është ‘’a i duhej PD-së një lëvizje e tillë?”.
Në një kohë që grupi parlamentar i saj ishte në minimumin e të gjitha viteve, një lëvizje e tillë rrudh edhe më shumë numrat duke e lënë PD-në me 36 deputetë.
Nga ana tjetër kundërshtarët e Bashës brenda Partisë shpallën dje platformën e tyre për ndryshime brenda saj.
Lëvizja thotë se synon, që përmes zgjedhjeve me rregulla të qarta dhe të gjithëpranuara, të bashkojë dhe të ringrejë Partinë Demokratike për ta rikthyer atë në forcën kryesore qeverisëse të vendit.
(E.K/SHUPLAKA)
