Nuk kanë qenë të pakta largimet e aktorëve nga “Portokalli” për këtë sezon të ri. U përfol në media largimi i Florian Binajt, një prej aktorëve më të spikatur të këtij show, i cili u prezantua aty 13 vite më parë në rolin e policit dhe tërhoqi pas vetes shumë audiencë dhe fansa. Madje edhe ai vetë deklaroi se nuk do të ishte më pjesë e “Portokallisë”.
Por së fundmi aktori ka ndërruar mendje dhe nuk ka vendosur që të mos largohet nga “Portokalli”. Ai është shfaqur bashkë me Arbana Osmanin në kafenenë e “Top Medias” duke pirë kafe, një mesazh ky për të gjithë publikun se ai ndodhet në Top Channel.
Por nuk kanë të sosur surprizat në këtë sezon të ri televiziv. Së fundi mbylljen e emisionit të tij ‘’m’fal për shprehjen” që transmetohej në ‘’Digitalb” e ka njoftuar dhe aktori i njohur i humorit Elvis Pupa.
“Po ju shkruaj duke ju thene: “M’falni per heshtjen”
Po ju pergjigjem tani pasi i kam lexuar te gjitha mesazhet dhe komentet ku pyesni : Kur do filloje sezoni i ri?
Nese ka nje arsye qe “M’fal per shprehjen” triumfoi vertete suksesshem, eshte fale punes, perkushtimit e mbeshtetjes se te gjithe stafit realizues si dhe faktit qe ai program, duhej te zgjaste aq sa zgjati.
Nga eksperienca them se ka ardhur momenti per nje tjeter sfide, nje tjeter projekt ndryshe dhe teresisht personal ne kuptimin e plote te fjales.
Pervec interpretimit une do jem dhe producenti i programit krejtesisht te ri , puna per te cilin ka nisur.
Me lejoni t’ju them vetem kaq per momentin.
Sinqerisht falenderoj me zemer DigitAlb dhe te gjithe bashkepunetoret e “M’fal per shprehjen”.
Mire u shifshim se shpejti ne emisionin e ri”, shkruan Pupa.
Më tej aktori sqaron se programi i ri që do të bëjë nuk do të jetë në ‘’Digitalb”. Ende nuk dihet aryeja e saktë pse ai e mbylli emisionin dhe nuk dihet se në çfarë ekrani do të shfaqet. (J.V/Shuplaka)
Discussion about this post