“Ç’po ndodh në Republikën e Rrumpallës”, Balla: Më pëlqen opozita e re (zbulon detajin e rëndësishëm nga grabitja)

Ndërsa në seancën e radhës në Parlamentin Shqiptar, po diskutohet ngjarja e rëndë e vjedhjes së 10 milionë eurove brenda pistës së Aeroportit “Nënë Tereza”, Ralf Gjoni kërkoi interpelancë me ministrin e  Brendshëm, madje dhe dorëheqjen e tij.

Ministri Lleshaj u shpreh se nga kjo ngjarje siguria e vendit nuk ka rënë veçse është cënuar dhe i është përgjigjur kërkesës së deputeit Gjoni se: “Dorëheqjen do e jap kur të dua unë” (lexo ketu)

Mirëpo ai që ka nxjerrë të dhëna mbi operacionin policor për kapjen e grabitësve të 10 milionë eurove ka qenë kreu i grupit parlamentar të Partisë Socialiste Taulant Balla i cili u shpreh  se veç grabitësit që u vra gjatë shkëmbimit të zjarrit me policinë, forcat FNSH kanë lënë të plagosur edhe një tjetër nga grabitësit që mundën të arratiseshin.

“Më pëlqen grinta e deputetëve të rinj të opozitës dhe shpresoj kjo të jetë opozita funksionale. Do ju sugjeroja që ta bënit me 7 deputetë që të jetë një interpelancë urgjente. Dua të përgëzoj policinë sepse ka arritur të asgjesojë një prej kriminelëve dhe të plagosë një prej tyre“, tha Balla.