Çpo ndodh në selinë e PD-së? Mediu edhe njëherë tjetër në zyrën e Bashës

Kreu i Partisë Republikane Fatmir Mediu, ka vizituar edhe njëherë tjetër kreun e opozitës Lulzim Basha në selinë e PD-së.

Dita e sotme duket të jetë një ditë plot tensione për aleatët opozitarë, pasi është dita e fundit që kanë afat për dorëzimin e emrave të kandidatëve për deputetë në KQZ.

Ky është takimi i tretë për sot mes Bashës dhe Mediut, ndërsa mësohet se i pranishëm është edhe ish-deputeti Dashamir Tahiri.

Pavarësisht se një orë më parë mësuam se ishte arritur një marërevshje mes tyre, e cila u konfirmua edhe nga kreu i PAA-së Agron Duka, duket se aleatët kanë ende për të diskutuar.

Pak orë më parë mësuam se Fatmir Mediu, Agron Duka dhe Vangjel Dule, do të jenë në pozicione fituese në listat e PD-së.

Ndërsa Ndoka dhe Shehu vetë do vendosen në vende fituese, por kanë edhe nga 2 persona  në vende jo fituese. Ndoka do të garojë në Shkodër ndërsa Shehi në Tiranë. Sakaq, Dule do të ketë edhe një kandidat në Vlorë.

Kështu jashtë listave ka mbetur vetëm Kreshnik Spahiu, i cili ka deklaruar se heq përfundimisht dorë nga politika. Kujtojmë se mesnata e sotme është dhe afati i fundit i dorëzimit të listave në KQZ.

Vijon… (D.D/Shuplaka)