Projekti i Lungomares në Vlorë, që zyrtarisht njihet si “Vlora e Shekullit të Ri”, është shndërruar jo vetëm në një çështje shqetësuese për shkak të betonit të vendosur në mes të detit, por edhe si objekt talljeje e thumbimesh nga ana e qytetarëve.
Të pafuqishëm për të ndërhyrë në “punët e qeverisë”, bashkëpunimet allaeuropiane me studio të huaja për rilindjen urbane të Vlorës, mes qyteteve të tjera, qytetarët kanë zgjedhur këtë montazh për të vënë në lojë atë që po bëhet në Vlorë.
Dhe duhet thënë se është një montazh goditës, një sinkronizim i gjetur mes reales dhe fantazisë. Montazhi është shndërruar në viral për shkak të përmbajtjes së tij. Duke mos e ditur se çfarë po ndodh realisht në këtë qytet bregdetar, banorët e saj “ngrenë shqetësimin” mos janë UFO që kanë zbarkuar siç na bën nëna natyrë mu në mes të kaltërsisë së Jonit.
(XH.A/SHUPLAKA)
Discussion about this post