Një tjetër rast i ndalimit të shqiptarëve për lidhje me gylenistët raportohet të ketë ndodhur në Turqi.
Mariglen Debrova 32 vjeç nga Cërriku, dhe bashkëshortja e tij njoftohet se janë vënë në pranga para disa ditësh në Ankara.
Lajmi ka tronditur familjarët e tij në Cërrik, të cilët janë të shqetësuar për çiftin dhe fëmijën e tyre. Mariglen Debrova jetonte prej 10 vitesh, së bashku me familjen e tij të re në Ankara.
Burime të besueshme bëjnë me dije së 32-vjeçari po vazhdonte doktoraturën për teologji në qytetin Samsun, pranë Ankarasë në Turqi, shkruan ‘’abcnews”.
Ai ka mbaruar studimet në Egjipt dhe është transferuar në Turqi, ku jetonte me familjen e tij prej shumë vitesh.
Të njëjtat burime tregojnë se profesori është arrestuar nën akuzën si bashkëpunëtor i Gylenit, por kjo mbetet për t’u provuar.
Disa muaj më parë, një tjetër profesor nga Cërriku, u ndalua në Malajzi, por më pas u la i lirë.
(E.K/FAXWEB)
