Prej mëngjesit të sotëm fadromat e IKMT-së kanë nisur punën për pishjen e banesave në zonën e Shkozës. 153 shtëpi pritet të shemben edhe pse nga deputetja e zonës Elona Gjebrea iu kishte premtuar krejt të kundërtën.
Policë të armatosur deri në grykë, ndërsa një pjesë e familjarëve janë ngujuar në banesat e tyre. Shumë shprehen të frikësuar, ndërsa qeveria bën lëvizjen e rradhës.
Gazetarët dhe mediat mbahen jashtë perimetrit të sigurisë, a thua se brenda lagjeve banorët janë duke kryer ndonjë krim. Grida Duma ka qenë e vetmja që ka shkuar në zonë dhe ka premtuar që do të ndjekë hap pas hapi shqetësimin e banorëve.
Vetë ata shprehen se Policia nuk iu ka lënë kohë që të nxjerrin nga shtëpitë as sendet me vlerë. Deri më tani raposrtohet të jenë shembur dy banesa.
Pak ditë më parë deputetja e zonës Elona Gjebrea u kishte premtuar banorëve se do tu jepnin kohë dhe një grup ndërinstitucional do të bënte të mundur arritjen e një marrëveshje me ta.
Mesa duket edhe deputetja e re e Kuvendit është përfshirë nga ‘’standardi” i politikës, zgjidhje sa për të bërë bujë në media, dhe pastaj banorët të lihen në mëshirë të fatit.
(E.K/SHUPLAKA)
Discussion about this post