Në përfundim të konferencës për shtyp me drejtorin e “Turkish Airlines”, Ilker Ayci, për një linjë të re ajrore shqiptare, kryeministri Rama u ka dhënë mundësinë gazetarëve për të pyetur, deri në momentin që njëra prej tyre zgjodhi t’i bëjë një pyetje për situatën politike në vend.
“Z. Rama, e dini që nuk mund t’i shmangemi pyetjeve politike… ç’pritet të ndodhë me krizën?”, ishte pyetja e gazetares, të cilën kreu i Qeverisë e ndërpreu duke iu përgjigjur kështu:
“Juve keni të drejtën tuaj të mos i shmangeni pyetjeve politike, por këtu duam të flasim për qiellin që duam të arrijmë. Nuk mund të zbresim nëntokë e të flasim për problemet e nëntokës.”
Në këtë dalje për mediat, u prezantua linja e re ajrore shqiptare, rezultat i bashkëpunimit mes dy vendeve, bisedimeve mes Ramës dhe Erdoganit. Lidhur me vendet e punës që kjo linjë e re ajrore e “Turkish Airlines” në Shqipëri pritet të hapë, kryeministri u shpreh se do duhet të presim rreth 90 ditë për detajet e projektit.
(XH.A/SHUPLAKA)
Discussion about this post