Cristiano Ronaldo do të bëhet sërish baba. Tani mund të themi me plot gojë që ai i do shumë fëmijët.
Sipas “The Sun” sulmuesi i Real Madrid ka paguar një “nënë të përkohshme” për të pasur sërish fëmijë.
Por, këtë herë do të ketë binjakë. Familja e Ronaldos është duke pritur me padurim binjakët që do të vijnë në jetë shumë shpejt. Kujtojmë se edhe djali 7-vjeçar që ka sulmuesi portugez, ka ardhur në jetë përmes të njëjtës “strategji”.
Ronaldo pagoi miliona euro një “nënë të përkohshme” për të pasur një fëmijë në 2010-ën. Siç bën me dije sajti i njohur britanik, nëna e binjakëve që do të sjellë në jetë për Ronaldon, do të paguhet rreth 12 milionë Euro, dhe identiteti i saj pritet të mbahet i fshehur. Një burim për “The Sun” tha se futbollisti dhe familja e tij mezi po i presin dy anëtarët e rinj. (J.V/Shuplaka)
