Me shkatërrimin e bandës së grabitësve në Tiranë, ka nisur procedimi penal ndaj një 19-vjeçareje me iniciale M. Rr. 19 vjeçe, e cila kishte për detyrë pastrimin e produkteve të vjedhura, fshehjen dhe mbulimin e tyre.
Banda u vu në pranga një ditë pasi vjedhjes së kryer në lagjen “Çollakë” ku arritën të grabisin një televizor “Samsung 42”, disa pije dhe shumën monetare prej 10.000 lekë të reja.
Në datën 9 të muajve Janar dhe Shkurt, ata kanë kryer dy grabitje të tjera ku kanë mundur të marrin tre televizorë plazma të markës “Samsung” 37 polsh dhe një motor tip “Lifan”.
Konkretisht:
Në bazë të hetimeve procedurale është arritur të dokumentohet me prova ligjore se këta shtetas janë autorë të ngjarjeve si më poshtë:
1- Më datë 27.03.2017, në lagjen Çollakë, në pronësi të shtetasit A. G., ku kanë marrë një televizor të markës “SAMSUNG” 42’’, disa pije të ndryshme dhe shumën monetare prej 10.000 mijë lekë të reja.
2- Më datë 09.01.2017, në “Qytet Studenti”, pranë Godinës Nr.23, kanë vjedhur motorin tip “Lifan”, në pronësi të shtetasit E. P.
3- Më datë 09.02.2017, në fshatin Ibë e Sipërme, është vjedhur me thyerje lokali në pronësi të shtetasit D. M., ku janë marrë tre televizor plazma të markës “Samsung” 37 polsh.
(XH.A/SHUPLAKA)
