Ish-ministri për Çështjet Vendore Bledi Çuçi, i cili kryeson gjithashtu qarkun e Gjirokastrës në listat e PS-së, ka publikuar spotin publicitar të kësaj partie politike, për zgjehdjet e 25 qershorit.
Në këtë spot, i cili nis me një pamje nga punimet që po kryhen për stadiumin Qemal Stafa i cili tanimë quhet “Arena Kombëtare”, në sfond ndihet zëri i Kryeministrit Edi Rama, i cili flet për ato që ka arritur në këto katër vjet qeverisje.
Ndër të tjera, Rama premton të arrijë të tjera gjëra në mandatin e ardhshëm, të cilin shpreson ta fitojë.
“PO NIS PJESA E DYTË… FORCA! PËR SHQIPËRINE QË DUAM,me Shtet, Punë, Mirëqenie”, shkruan Çuçi krahas fotos.
Sot në mesnatë është afati i fundit që Partia Demokratike ka për të dorëzuar listat e kandidatëve të saj për deputetë në KQZ. Pas publikimit të listave të PD-së, më në fund do të mësojmë përfundimisht se cilët do të jenë të gjithë garuesit dhe kundërshtarët për zgjedhjet e 25 qershorit. (D.D/Shuplaka)
Discussion about this post