Pas deklaratës së ‘bujshme’ të drejtorit të Ujësjellësit në Sarandë, Sheme Lulo që tha se kishte lënë qytetarët pa ujë, një tjetër drejtoreshë e socialistëve ka bërë një deklaratë interesante.
Gjatë replikës së saj me deputeten demokrate, Orjola Pampuri, Drejtoresha e Shërbimit Social, Luneda Sufali, lidhur me heqjen e ndihmës ekonomike për familjet në nevojë ka thënë se nuk ka ndonjë problem me heqjen e “bukës” nga goja për këto familje.
Debati:
Orjola Pampuri: Po flasim për bukën e gojës…
Luneda Sufali: Buka e gojës? E çfarë problemi ka?
Pampuri: Po u hiqni bukën e gojës qytetarëve. Kaq.
Sufali: Ta thash, nuk di për çfarë arsye është hequr ai qytetari. Jepet mundësia në muajin shkurt, në mars, që të rifutet përsëri në skemë.
Pampuri: Jo moj zonjë, nuk mund të luani me njerëzit kushtu, ping-pong.
Sufali: Ky është një proces që është në vazhdim…
Artur Zheji: Sapo thatë, buka e gojës, çfarë problemi ka?
Sufali: Unë e lidha me zonjën dhe thashë, çfarë problemi ka sepse nuk dua t’i qëndrojë faktit i përjashtuar. Ne nuk kemi përjashtuar askënd.
(F.G/Faxweb.al)
Discussion about this post