Çudisin mediat greke: Kush është polici që ngacmoi Katsifan? I vunë armën në kokë

Vrasja e Konstantinos Katsifas vijon ende të jetë në qendër të vëmendjes së mediave greke.

Gjatë ditës së sotme, mediat e shtetit fqinj kanë zbuluar detaje të reja, që sipas tyre kanë sjellë reagimin e dhunshëm dhe me armë të Kaçifasit.

Një prej mediave shkruan se Konstantinos Katsifas kishte ditë të tëra që ngacmohej e provokohej nga policia shqiptare dhe nga inspektori i zonës së Bularatit.

Sipas tyre, pasi Katsifasi është provokuar për ditë të tëra, ditën që ndodhi ngjarja atij i është vënë edhe arma në kokë.

Mediat greke theksojnë se arma që kishte Katsifasi në dorë ishte e policit që e ngacmonte dhe që ekstremisti grek ja kishte rrëmbyer nga dora.

Ditën e ngjarjes Katsifasi është kërcënuar me armë në kafenenë e fshatit, gjë e cila ka sjellë reagimin e tij të dhunshëm, që më pas solli vrasjen nga RENEA.

(E.K/FAXWEB.AL)