Aleati i Lulzim Bashës ka komentuar 9+3 kushtet e Bundestagut gjerman për Shqipërinë, ku tha se ato janë baza për një marrëveshje politike mes palëve.
Dashamir Shehi tha jo pa ironi në “Opinion” se iu ka thënë kolegëve të tij se po lodhen kot me kushtet e tyre, ndërsa si argument tregon se kushtet e vërteta janë ato të Gjermanisë, për të cilat thotë se janë më të rënda se ato të mëparshmet.
“Gjermanët kanë pranuar një po, me këto kushte që do zbatohen shkallë-shkallë. Ne jemi duke pritur për disa vite për të plotësuar këto kushte. Janë më të rënda se ato më parë, vendimi i Bundestagut është pozitiv. E ka pranuar këtë lloj filozofe që Shqipërisë duhet t’i vendosen kushte. Kjo është një situatë që na leverdis neve si shqiptarë, dhe na kontrollojnë dhe na kondicionojnë për të bërë ato punë. Iu kam thënë dhe kolegëve të mi opozitarë, ne po lodhemi kot me ato kushtet tona. C’na duhet ne platforma, na i shkruajtën gjermanët. Kjo për mua është shtrati i një negociate të madhe”, tha Shehi.
(F.GJ/FAXWEB.AL)
Discussion about this post