Çudit këshilltarja socialiste: Si i ofendoi qytetarët e Kavajës (VIDEO)

Një debat me nota të forta ka pasur në Këshillin Bashkiak të Kavajës.

Dhurata Sheme është këshilltare e PS në Këshillin Bashkiak të Kavajës, njëherazi edhe nënkryetare e këtij këshilli.

Gjatë një mbledhjeje të këshilltarëve,ku i pranishëm ishte edhe kryebashkiaku Isa Sakja, Sheme ka përdorur një batutë fyese duke e titulluar situatën si ‘llogje Kavaje’. A thua se këshilltarja ishte nga Parisi.

Kjo ka sjellë reagimin jo vetëm të këshilltarëve, por edhe kryebashkiakut, i cili i ka kërkuar të kërkojë ndjesë dhe të tërheqë fyerjen.

“Ti në këtë pozicion ke ardhur me votën e qytetarëve dhe ne të gjithë jemi përfaqësues të qytetarëve. Jo ty, por askënd nuk lejoj që të fyejë qytetarët e Kavajës, të cilët janë njerëz të ndershëm dhe punëtorë”, tha kryebashkiaku Sakja në reagimin e tij. 

(E.K/FAXWEB)

https://www.youtube.com/watch?v=YlJatkAu11k&feature=youtu.be