Lorenc Vangjeli dhe Ermir Gjinishi paraqiten në emisionin “Java” disa artikuj kundër rrezikut “gylenist” në Shqipëri, botuar prej tyre një dekadë me pare, kur Erdogan dhe kleriku Gulen ishin “ në një varkë” dhe Gulen ishte at shpirtëror i Erdoganit.
“Ata janë si një ushtri e heshtur që kanë taktikën e depërtimit në administratë, në qeveri, në Kuvend, në agjencitë e zbatimit të ligjit, kudo.Dhe ata kanë depërtuar në fakt”, theksoi studiusi Ermir Gjinishi, duke nënvizuar se gulenistë ka edhe në qeveri.
“Një synim i tyre ka qenë dhe mbetet turqizimi i fesë islame në Shqipëri duke i hequr asaj karakteristikat e traditës shqiptare”, nënvizoi ai.“ Kanë vepruar si një masoneri”, tha Lorenc Vangjeli.
“Kanë patur në plan të shkojnë larg me taktikën e tyre të marrjes së kalasë nga brenda.Tingëllon paradoksale sot, por unë dua ta them me plotë gojën: Erdogan e ka shpëtuar Shqipërinë nga një rrezik i madh, që është lëvizja guleniste”, nenvizoi Vangjeli, duke shtuar:“Unë nuk dua të komentoj fare konfliktin e brendshëm të presidentit turk me klerikun Gulen dhe lëvizjen e tij.Ky është një problem i Tuqisë.Unë dhe zoti Gjinishi kemi shkruar dhe flasim për rrezikun që i kanosej Shqipërisë nga kjop lëvizje, rrezik që nuk ka kaluar akoma”.
“ Shqipëria duhet të vlerësojë rrezikun, por kjo nuk do të thotë të inkurajojmë dorëzime si ato që kanë ndodhur në Kosovë.Shqipëria nuk strehon terroristë.Për çdo qëndrim ndaj kundështarëve të presidentit turk, Shqipëria duhet të jetë në sintoni me konventat dhe me vendet aleate të përendimit”, tha nga ana tjetër Preç Zogaj.
