Presidenti rus, Vladimir Putin tha sot se udhëheqësi i Koresë së Veriut, Kim Jong Un u tregua “i zgjuar dhe i pjekur” dhe fitoi raundin e fundit me Perëndimin, në programin e tij bërthamor dhe raketor.
“Unë mendoj se Kim Jong Un ka fituar këtë raund, ka përfunduar detyrën e tij strategjike, ka armë bërthamore, ka raketa që arrin deri në 13.000 kilometra dhe mund të arrijë çdo pikë në botë”, tha Putin, raporton Reuters.
Putin ka përsëritur që dialogu me Korenë Veriore është i sigurt dhe ka shtuar se Kim tani dëshiron ta qetësojë situatën.
“Ai tashmë është një politikan mendjemprehtë dhe i pjekur”, tha Putin.
Kujtojmë që aktiviteti bërthamor i Koresë së Veriut ishte shka për acarimin e marrëdhënieve të vendit komunist me Perendimin deri sa u shkua në prag të luftës.Por vetëm para dy ditëve Korea e Veriut dhe ajo e Jugut mbajtën bisedime me njëra-tjetrën.
Kulmi i acarimit të marrëdhënieve ishte moment kur Korea e Veriut lëshoi një raketë e cila fluturoi mbi Japoni. Kjo bëri që SHBA ta kërcënonte me ‘reagim ushtarak masiv’ nëse Koreja e Veriut cënonte një nga aleatët e saj. (B.H/Faxweb)
Discussion about this post