Pas ndeshjes së djeshme ku shpënzuan mjaft energji lojtarët e Kombëtares kanë marrë rrugën e kthimit për në destinacionet e tyre. Po udhëtimet duket se iu kanë prishur regjimin e gjumit të disa futbollistëve të përfaqësueses shqiptare.
Ndaj disa prej tyre, sapo kanë hipur në avionë, kanë vendosur që të shlyejnë kohën e humbur gjatë udhëtimit.
Mesfushori Amir Abrashi ka vendosur që të “dokumentojë” gjumin e shokëve të skuadrës, duke postuar video të Kukelit e Veselit ndërsa flinin përkrah tij.
Por ai nuk është mjaftuar me kaq. Në videon e postuan në “Instagram”, shihet edhe rrengu që u ka punuar të dy bashkëlojtarëve gjatë këtij udhëtimi. Nuk dihet nëse ka qenë ai që u ka futur letrat në gojë teksa flinin… po me siguri që po.
(E.K/SHUPLAKA)
