Dafina Zeqiri ka nisur aventurën e saj për të bërë karrierë përtej kufijve shqiptarë. Kënga e saj ‘’Four Seasons’’ synon që të bëjë kalimin në tregun ndërkombëtar e sidomos atë amerikan. Duhet thënë se kënga është pritur mjaft mirë derimë tani edhe pse kapërcimi në tregun botëror është gjithmonë i vështirë.
Dafina ka qenë në shënjestër të mediave shqiptare dhe asaj kosovare këto kohë pasi në një intervistë të sajën për mediat në amerikë është shprehur se orgjina e saj është Suedia.
Po e ftuar në ‘’1 kafe me Labin’’ ajo është shprehur se ajo nuk do ta mohoj kurrë orgjinën e saj shqiptare.
“Të gjithë ata që më njohin e dinë se kam lind dhe jam rrit në Suedi, kur kisha 17 vjet kam ardhur në Kosovë. Mediat në Amerikë i referohen vendit ku jam lind. Unë gjithmonë ju bëj me dije gazetarëve që nuk do të kisha qenë kjo Dafinë që jam sot pa karrierën dhe përvojën në Kosovë”, ka thënë Dafina Zeqiri.
Ajo gjithashtu ka theksuar se është shumë krenare që është shqiptare, dhe në fund përshëndeti publikun me simbolin shqiptar, shqiponjën dy krenare që e bëri me duar. (E.K/SHUPLAKA)
Discussion about this post