Alkond Bengasi, i përfshirë në grabitjen e Rinasit, ka nisur të bashkëpunojë me Drejtësinë duke nxjerrë detaje nga ngjarja e 9 prillit ku u grabitën rreth 8.5 milionë euro.
Në dëshminë e tij përpara prokurorisë dhënë dje, ai ka treguar dhe takimin që ka pasur me dy të afërmit e tij, Klement dhe Eldi Çala-n, edhe Admir Muratajn së bashku me dy shtetas kosovar.
“Kontaktin e parë e kam pasur me kushërinjtë e mi Klement dhe Eldi Çala. Duke qënë se unë punoja në një servis ata më kërkuan t’i shoqëroja në Kavajë ku do të merrnim një furgon. Fillimisht nuk pranova sepse kam pasur fëmijën sëmurë dhe nuk doja të largohesha nga Elbasani.
Por më pas pranova dhe shkuam të 3 tek Shkëmbi i Kavajës. Aty na prisnin 3 persona për drekë. Një u prezantua si Admir Murataj i cili ishte në shoqërinë e 2 personave nga Kosova. Një prej tyre e therrisnin “daja” ndërsa tjetrin “Tani”. Pasi hëngrën drekë, morëm furgonat Shevrioletë, të cilët unë më pas i modifikova. Më vonë mësova se mjetet do të përdoreshin për grabitje”,- thotë ai.
Dukeiu referuar kësaj dëshmie, policia shqiptare ka kërkuar ndihmë nga pala kosovare në mënyrë që të identifikohen dhe dy personat që janë të përfshirë në këtë grabitje.
Kujtojmë se derimë tani në pranga janë vënë 5 persona:
Alkond Bengasi
Renaldo Sula
Oltian Veseli
Saimir Çela
Elton Pikli
(E.K/FAXWEB.AL)
