Dhjetra familje në Shkozet të Durrësit janë prekur nga përmbytjet e ditëve të fundit. ‘’Fax News” ka shkuar pranë këtyre familjeve të përmbytura, ndërsa dëmet që atyre u janë shkaktuar janë të shumta.
Një nga familjaret e prekura, e cila jeton dhe e vetme shprehet se askush nuk ka shkuar nga ana e Bashkisë për të parë situatën në të cilën këto familje ndodhen.
‘’Është hera e disatë që përmbytem, kam kërkuar ndihmën e fqinjve. Ne këtë rradhë jemi shumë keq, kanë ardhur grupe të verifikimit dhe askush nuk më ka dhënë asnjë dëmshpërblim për herët e tjera që jam përmbytur. I bëj thirrje që të vijnë të na ndihmojnë, të na shikojnë sa më shpejt, sa të mos jetë vonë”, shprehet zonja që i eshtë përmbytur banesa. Ajo jeton e vetme pas humbjes së bashkëshortit, ndërsa vajzat e saj kanë ndërtuar familjet e tyre.
Një pjesë e mirë e orendive gjenden nën pushtetin e ujit, ndërsa me përkeqësimin e kushteve të motit, që pritet të ndodhë gjatë ditës së nesërme, situate paraqitet edhe më alarmante.
Kreu i Bashkisë së Durrësit Vangjush Dako u shpreh dje i dorëzuar me kushtet e natyrës, teksa tha se situata është e pashmangshme.
(E.K/FAXWEB)
https://www.youtube.com/watch?v=BeJRHLcM_Fk&feature=youtu.be
