Armand Teliti i cili është anëtari i PD-së në Këshillin Bashkiak të Durrësit ka konfirmuar për një portal online, debatin e ashpër që kanë pasur këshilltarët e djathtë me kryebashkiakun Vangjush Dako, të cilët sëbashku me këshilltarët e LSI-së, i janë vënë kundër për sa i përket buxhetit të vitit 2017-të.
Sipas Telitit, Dako ka debatuar fort për projektin e Velirës, një shesh prej 12 mijë metra katrorë që pritet të ndërtohet para Torrës, me një investim prej 6 milion dollarësh, ndërkohë që për opozitën vënia në zbatim e këtij projekti është një luks, në një kohë që qyteti ka probleme me kanalizimet dhe përmbytet sa herë bie shi
“Kryebashkiaku prepotent e tha me zë e figurë, se më i rëndësishëm është projekti i Velierës” se sa të heq plehrat e Durrësit që po mbysin qytetarët”,- shprehet Teliti.
Po sipas tij, në vend që paratë të shkojnë për të korrigjuar problemin e përmbytjeve, po shkojnë për të bërë monumente betoni, për rrugë si ajo e plazhit që qepen e shqepen sa herë ka qejf Dako, paratë po shpërdorohen në mënyrë skandaloze.
